September 25, 2022

புதியஆசிரியன்

டிஜிட்டல் வெளியீடு

பொது

1 min read
# “திவ்யாங்” என்றால் தெய்வீகக் குழந்தை என்று பொருள். கடந்த ஆண்டு பட்ஜெட்டில் மோடி மாற்றுத்திறனாளிகளுக்கு ஒதுக்கப்படும் நிதியிலிருந்து 35% குறைத்துள்ளார். தெய்வீகக் குழந்தைகளுக்கு ஒதுக்கப்படும் நிதியில் 35 விழுக்காடு நிதியை ஒருவர் குறைக்கிறார் என்றால், குறைக்கப்பட்டவர்கள் தெய்வீகக் குழந்தைகள் என்றால், குறைத்தவர் என்ன சாத்தானின் குழந்தையா? அதானிக்கும் அம்பானிக்கும் இந்த ஆண்டு மட்டும் 35 ஆயிரம் கோடி ரூபாய் தள்ளுபடி செய்துள்ளது ஒன்றிய மோடி அரசு. மோடிக்கு தெய்வம் அதானியும் அம்பானியும்தான் ஆனால் மாற்றுத்திறனாளிகள்தான் தெய்வம் என்று வாய் கூசாமல் பொய் பேசுவார் மோடிஜி.. – சு. வெங்கடேசன், மதுரை எம்.பி. # பாஜக மேயர்கள், துணை மேயர்கள் தேர்தல் வெற்றியை கருத்தில் கொண்டு செயல்படக் கூடாது. ஆட்சி, அதிகாரம், பதவிக்காக நாம் அரசியலுக்கு வரவில்லை.  நம்மைப் பொறுத்தவரை ஆட்சி, அதிகாரத்தை மக்களுக்கு சேவையாற்றுவதற்கு கிடைத்த பாக்கியமாக கருத வேண்டும், தேர்தல் வெற்றியை கருத்தில் கொள்ளாமல் நகரங்களின் வளர்ச்சியில் மட்டுமே கவனம் செலுத்த வேண்டும். – குஜராத் மேயர்கள் கூட்டத்தில் பிரதமர்...
எஸ். கண்ணன் இந்திய நாடாளுமன்றத்தில் அடிப்படை ஜனநாயக மாண்புகள் நசுக்கப்பட்டு, நிறைவேறிய தொழிலாளர் சட்ட தொகுப்புகள், இந்திய தொழிலாளர் மாநாட்டில், இந்திய தொழிலாளர்களின் பிரதிநிதிகளாக மத்திய தொழிற்சங்கங்கள் பங்கேற்பதை தடுத்துள்ளது. நிராகரிப்பதற்கான எழுதப்படாத சட்டம் திருப்பதியில் இந்திய தொழிலாளர் துறை அமைச்சகத்தால் அமலாக்கப்பட்டுள்ளது. 47 வது இந்திய தொழிலாளர் மாநாட்டில், மொத்தமாக தொழிலாளர் உரிமைகளை, கோரிக்கை வைக்கும் வாய்ப்பை பறிக்கும் நோக்கத்துடன், பாஜக ஆட்சியாளர்களால், தொழிற்சங்கங்கள் புறக்கணிக்கப்பட்டுள்ளன. இம்மாநாட்டில், முதலாளிகளின் பிரதிநிதிகளும், அரசு பிரதிநிதிகளும் பங்கேற்றுள்ளனர். ஆனால் தொழிலாளர் பிரதிநிதிகளுக்கு எந்த அழைப்பும் கிடையாது. 46 மாநாடுகள் நடந்துள்ளன 1942 முதல் இந்திய தொழிலாளர் மாநாடு நடத்தப்பட்டு வருகிறது. சர்வதேச தொழிலாளர் அமைப்பு 1919ல் துவங்கப்பட்டு ”ஜனநாயக ரீதியிலான செயல்பாடுகளை உறுதி செய்ய, தொழிலாளர்கள் தாங்கள் சந்திக்கும், சமூக மற்றும் பொருளாதார பிரச்சனைகள் குறித்து உரையாட அனுமதிக்க வேண்டும்” என்பதை தனது நோக்கமாக அறிவித்தது. அதன் உறுப்பினராக உள்ள நாடுகள் இந்த உரையாடலை பின்பற்ற வேண்டும் என வலியுறுத்தியது. அந்த பின்னணியில் இந்தியாவில் 1942 முதல் 2015 வரை 46 மாநாடுகள் நடந்துள்ளன. 47வது மாநாடு இந்த தொழிலாளர் மாநாடுகளில் “ஒன்றிய தொழிலாளர் நலன் மற்றும் வேலை வாய்ப்பு துறையின் அமைச்சர், அதிகாரிகள், மாநில அரசின் பிரதிநிதிகள், இந்திய முதலாளிகளின் கூட்டமைப்பு பிரதிநிதிகள் மற்றும் மத்திய தொழிற்சங்கங்களின் பிரதிநிதிகள் என முத்தரப்பினரும் பங்கேற்பர். இதன் காரணமாகவே இந்த மாநாடு, முத்தரப்பு மாநாடு என்று அழைக்கப்பட்டது. அண்ணல் அம்பேத்கார், வி.வி. கிரி, குல்சாரி லால் நந்தா உள்ளிட்டோர் அமைச்சர்களாக இருந்த பலரும், வி.பி.சிங், ஐ.கே.குஜ்ரால், ஏ.பி. வாஜ்பாயி, மன்மோகன் சிங் போன்ற பிரதமர் பொறுப்பில் இருந்தோரும் மாநாட்டினை துவக்கி வைத்து அல்லது பங்கேற்று பேசி உள்ளனர். ஆகஸ்ட் 25 மற்றும் 26 தேதிகளில் நடைபெற்ற 47 வது தொழிலாளர் மாநாட்டை பிரதமர் மோடி, காணொளி காட்சி மூலம் துவக்கி வைத்துள்ளார். எது ஆற்றல்படுத்துதல்? பிரதமர் மோடி தனது துவக்க உரையில், தொழிலாளர் சட்ட திருத்தங்கள், தொழிலாளர்களை ஆற்றல்படுத்தும் என பேசி உள்ளார். தொழிற்சங்க பிரதிநிதிகள் அழைக்கப்படாதது, தொழிலாளர்களை ஆற்றல்படுவதற்கான செயல்தானா? ஆற்றல்படுத்துவது என்றால் என்ன? சமூக நிலையில் பின் தங்கி உள்ள ஒருவர் தனது கருத்தை எடுத்துரைக்கும் துணிவு பெறுவது; தனது சமூக நிலையை மேம்படுத்திக் கொள்ளும் வாய்ப்பை மற்றவர்களைப்போல் தொழிலாளரும் பெற அனுமதிப்பது; அவ்வாறு பெறுவதற்கான கூட்டு பேர உரிமை என்ற ஜனநாயக மாண்புகளுக்கான வாய்ப்பினை பெறுவது; ஒருவேளை அத்தகைய கூட்டு பேர உரிமை மறுக்கப்படுமாயின், அதை போராடிப் பெறும் உரிமையோடும், வலிமையோடும் செயல்பட அனுமதிப்பது. ஆனால் இவை அனைத்தும் இன்று மறுக்கப்படுகிறது. பின்னர் எப்படி பிரதமர் மோடியின் கூற்றுப்படி, தொழிலாளர்கள் ஆற்றல்படுத்தப்படுவார்கள்? தொழிலாளர்களுக்கு எட்டு மணிநேர வேலை, வார விடுப்பு, மருத்துவ விடுப்பு, இதர சமூக பாதுகாப்பு சட்டங்கள் போன்ற எதுவும் தானாக கிடைக்கவில்லை. மாறாக போராடியும், வாதாடியும் பெற்றவை. வாதாடுவதற்கான வாய்ப்பு, இந்திய தொழிலாளர் மாநாடுகளில் கடந்த காலங்களில் வழங்கபட்டது. அது ஒரு சில பயன்களையும் அளித்தன. தற்போது பாஜக ஆட்சியின் தொழிலாளர் கொள்கை, வாதாடும் வாய்ப்பினை முற்றாக மறுத்துள்ளது. அரசரிடம் குறைகளை எடுத்துரைக்க அன்றைய மக்கள் தயங்கியது போல், இன்றைய கார்ப்பரேட் பெரு நிறுவனங்களுக்காக வாதாடும் அரசாங்க பிரதிநிதிகள் முன்பு, தொழிலாளர் என்ற நிலையில் உள்ள பொது மக்கள் வாதாடும் வாய்ப்பை இழக்கின்றனர். எனவே தான் ஜனநாயகம் இந்த பெரு நிறுவனங்களாலும், அதை ஆதரிக்கும் ஆட்சியாளர்களாலும் நூறாண்டுகள் பின்னுக்கு தள்ளப்படுகிறது. நாடாளுமன்றத்திலும் தொழிலாளர் சட்டங்கள் பற்றி விவாதிக்க வாய்ப்பு மறுக்கப்படுகிறது. பெரு நிறுவனங்களுக்கான அரசுதாராளமய கொள்கைகள் பன்னாட்டு நிறுவனங்களுக்கும், உள்நாட்டில் உள்ள நிறுவனங்களுக்கும், அரசு சொத்துக்களையும், இயற்கை வளங்களையும் சூறையாட தாராளமாக அனுமதிக்கிறது. அவ்வாறு அனுமதிக்க தடையாக இருக்கும் அமைப்புகளையும், குழுக்களையும், நபர்களையும் அழிக்கும் முயற்சியில் ஆட்சியாளர்கள் ஈடுபடுகிறார்கள். ஜனநாயகம் பேசும் நாட்டில், மேற்படி ஜனநாயக உரிமைக்காக போராடும் அமைப்புகளின் வலிமையை குறைக்க சட்ட நடவடிக்கைகளில் உள்ள வாய்ப்புகள் கட்டுபடுத்தப்பட்டு பின் நிராகரிக்கப்பட்டு வருகிறது. முதலாளிகளுக்கு தாராள அனுமதியும், தொழிலாளர்களுக்கு கட்டுப்பாடும், தொடர்ந்த நிராகரிப்பும்தான் மூலதன குவிப்பிற்கு வழிவகை செய்யக் கூடியதாக இருக்கிறது. பெரு நிறுவனங்களின் இந்த தேவையை நிறைவேற்றும் வகையிலேயே, மேற்படி நகர்த்தல் அனைத்தையும் பாஜக ஆட்சி செய்து வருகிறது.நவ தாராளமய பொருளாதாரக் கொள்கையை அமுலாக்கும் வகையில் இந்திய நாடாளுமன்றத்தில் பெரு முதலாளிகளுக்கு ஆதரவான பல சட்டங்கள் ஆளும் கட்சியின் பெரும்பான்மை பலத்துடன் நிறைவேற்றப்படுகின்றன. மறுபக்கம் மேற்படி தாராள அனுமதியை தடுக்கும் சக்திகளாக உள்ள தொழிற்சங்கங்களின் ஜனநாயக செயல்பாடுகள் ஊடகங்களால் கடுமையாக விமர்சிக்கப்படுகின்றன. அதாவது தொழிற்சங்கம் உள்ளிட்ட ஜனநாயக அமைப்புகளை வளர்ச்சிக்கு எதிரானவர்கள் என்று முத்திரை குத்தி, மக்களிடம் இருந்து தனிமைப்படுத்தும் வகையில் ஊடகங்கள் செயல்படுகின்றன. வளர்ச்சி என்னும் மாயை வலைக்குள், அதிக எண்ணிக்கையிலான நடுத்தர வர்க்கத்தினர் சிக்கிக் கொள்கின்றனர். எனவே திருப்பதியில் தொழிற்சங்க அமைப்புகளுக்கு மூடப்பட்ட கதவு சாதாரணமான நிகழ்வல்ல என்பதை உணர வேண்டும். அரசியல் உணர்வாக வளர வேண்டும்அது தொழிற்சங்க உணர்வாக மட்டுமல்லாமல், அரசின் நவ தாரளமய கொள்கைகளுக்கு எதிராகவும், கொள்கைகளுக்கு பின் உள்ள அரசியலை அம்பலப்படுத்துவதாகவும் வளர வேண்டும். பிரிட்டிஷ் காலனியாதிக்க எதிர்ப்பு, 20 ஆம் நூற்றாண்டின் துவக்கத்தில் மக்களால் முன்னெடுக்கப்பட்ட அரசியல் போராட்டங்களாக இருந்தன. அதன் விளைவு பிரிட்டிஷ் காலனியாதிக்க ஆட்சியாளர்களே, இந்திய தொழிற்சங்க சட்டம் 1926 ஐ இயற்ற வேண்டிய சூழலும், 1942 முதல் இந்திய தொழிலாளர் மாநாடு நடத்த வேண்டிய சூழலும் உருவாகியது. இதன் தொடர்ச்சியாக ஒரு கட்டத்தில் நாட்டை விட்டு வெளியேறவும் நிர்பந்திக்கப்பட்டனர். இன்று மீண்டும் நவ காலனியாதிக்கத்தை நோக்கி ஆட்சியாளர்கள் செல்கின்றனர். தொழிலாளர் உரிமை, உழைக்கும் மக்களின் உரிமைகள் பறிக்கப்படுவது அதன் துவக்கமே என்பதை உணர்வதும், அதற்கெதிராக போராடுவதும் சமூக வளர்ச்சிக்கான அடிப்படை தேவையாகும்.
1 min read
# கவிஞர் பாரதிதாசன் “குயில்” என்ற பெயரில் ஒரு பத்திரிகை நடத்தி வந்தார். வேறொரு ஊருக்குப் போயிருந்தபோது நண்பர்களுடன் பேசிக் கொண்டிருந்தார். பேச்சுவாக்கில் “இங்கெல்லாம் குயில் கிடைக்குதா?” என்று கேட்டார். “குயில் எங்கே...
எம்.எஸ்.இராஜகோபால்(முகநூல் பதிவு) அப்போது மதானி, சம்பானி ஆகிய இருவரும் ஜம்புத்திவீபம் எனப்படும் தேசத்தில் மேற்கு கரையோரம் சென்று கொண்டிருந்தார்கள்.  பசியும் தாகமும் அவர்களை வாட்டியது.    “ஆண்டவரே எங்களை இரட்சியும்! எங்களுக்கு அளவு  கடந்த பசியும் தாகமுமாயிருக்கிறது.. இந்த ஜம்புத்வீபத்தில் உள்ள அனைத்து எண்ணெயைக்  குடித்தாலும் எங்கள் தாகம் தீராது போலிருக்கிறது… இந்த தேசத்தின் அனைத்து சொத்துகளை ஸ்வீகரித்துக் கொண்டாலும் எங்கள் பசி தீராது போலிருக்கிறது” என்றனர். அப்போது அவர்களின் ஆண்டவராகிய டீமோ கோடி சூரிய பிரகாசமாய் அவர்கள் முன் தோன்றினார். “விசுவாசமானவர்களே! நீங்கள் இரட்சிக்கப்பட்டீர்கள்! இதோ உங்கள்  பசியும் தாகமும் தீருவதாகுக… இனி நீங்களே என்னுடைய பெயரில் இந்த மண்ணை ஆள்வீர்கள் என வாக்குதத்தம் செய்து கொடுக்கிறேன்” என்றார்.   பின்னும் தன்னுடைய கையிலிருந்த கோலை எடுத்து மதானியை நோக்கி இந்த தேசத்தில் உள்ள துறைமுகங்கள் உனக்கு என்றார்.  துறைமுகங்கள் அவர் வசமாயின!  இந்த விமான நிலையங்கள் உனக்கு என்றார்!  அவையும் அவர் வசமாயின. இந்த இரயில் நிலையங்களும் இரயில்களும் உனக்கு என்றார்.  அப்படியே ஆயின. இந்த நிலக்கரி சுரங்கங்கள் உனக்கு என்றார். இது போதவில்லை என்றால் பரதேச சுரங்கங்களையும் உன்னுடையதாய் ஆக்கித் தருவேன் என்றார்.  இந்த தேசத்தின் கப்பல்களை உனக்குத் தருகிறேன்.. அவை உனக்கான நிலக்கரிகளை சுமந்து வருமென்றார்.. இந்த சூரிய ஒளி மின் உற்பத்தி நிலையங்கள் உனக்கு அருளப்படும் என்றார். உடனே அருளப்பட்டது....
1 min read
ஜேப்பி குழந்தைகளுக்கு  மிட்டாய் கொடுத்து ஈர்ப்பது போல, அரசியல் கட்சிகள் மக்களிடம் வாக்கு பெறுவதற்கு “இது இலவசம், அது இலவசம்” என்று தேர்தல் வாக்குறுதிகளை வாரி வீசி “மிட்டாய் கலாச்சாரத்தைக்” கடைப்பிடித்து வருவதாக சமீபத்தில் பாரதப் பிரதமர் நரேந்திர மோடி குற்றம் சாட்டினார். பாரதிய ஜனதா நிலைபாடு மோடியின் பேச்சின் தொடர்ச்சியாக பாரதிய ஜனதா கட்சியின் தலைவர் ஒருவர் உச்ச நீதி மன்றத்தில் “இலவசங்களுக்கு” எதிராகப் பொது நல வழக்கு ஒன்று தொடர்ந்தார். வாக்காளர்களைத் தங்களுக்குச் சாதகமாகக் கவர்ந்திழுக்க, தேர்தல் பிரச்சாரங்களின் போது “முறையற்ற இலவசங்கள் (irrational freebies)” மற்றும் “தனிநலப் பொருட்கள் (private goods)” வழங்க அரசியல் கட்சிகள் வாக்குறுதி அளிப்பதைச் சட்ட விரோதமாக்க வேண்டுமென்றும், அத்தகைய அரசியல் கட்சிகள் மீது கிரிமினல் வழக்குகள் பதிவு செய்ய உத்தரவிட வேண்டுமென்றும், அந்த கட்சிகளின் அங்கீகாரத்தை ரத்து செய்ய வேண்டுமென்றும் அந்த வழக்கின் மனு கோருகிறது. இந்த மனுவை பாரதிய ஜனதா கட்சியும் ஆதரித்து இருக்கிறது. உச்ச நீதிமன்றத் தலையீடு இந்த மனுவை விசாரித்த நீதிபதி, அரசியல் கட்சிகள் வாக்குறுதி அளிப்பதை தடுக்க முடியாது எனக் கூறினார். ஆனால், இத்துடன் வழக்கை முடிக்காமல் பொதுப் பணத்தை நலத் திட்டங்களுக்குச் செலவிடுவதற்கான சரியான வழி என்ன என்பதுதான் நீதிமன்றத்தின் கவலை என்றும் அரசியல் கட்சிகள் அறிவிக்கும் இலவசங்களும், அரசுகளின் சமூக நலத் திட்டங்களும் வெவ்வேறானவை என விளக்கமளித்தார்.  இலவசங்கள் பற்றி ஆலோசனை வழங்க அரசு, நிதி ஆயோக், நிதி ஆணையம், சட்ட ஆணையம், இந்திய ரிசர்வ் வங்கி, எதிர்க்கட்சி உறுப்பினர்களைக் கொண்ட நிபுணர் குழு ஒன்றை உருவாக்க வேண்டும் என்று உச்ச நீதிமன்றம் பரிந்துரைத்துள்ளது. ஜனநாயக மரபு இந்திய அரசியல் சட்டம் முகப்புரை “சமூக, பொருளாதார மற்றும் அரசியல் – நீதியை” குடிகளுக்கு உறுதி செய்கிறது. இதனடிப்படையில் மக்களுக்கு என்ன நலத் திட்டங்கள் தேவை அவற்றுக்கு எப்படி, எவ்வளவு நிதி ஒதுக்குவது என்பதை கணக்கில் கொண்டு மாநில மற்றும் ஒன்றிய அரசுகள் தங்கள் நிதிக் கொள்கைகளை வகுக்க வேண்டும். தாங்கள் ஆட்சிக்கு வந்தால் இதை-இதைச் செயலாற்றுவோம் என வாக்குறுதி அளித்து அரசியல் கட்சிகள் தேர்தலில் பங்கு கொள்வது ஜனநாயக மரபு. தேர்ந்தெடுக்கப்படும் அரசியல் கட்சிகளின் இந்த நிதிக் கொள்கை முடிவுகளில், சமூகக் கடமையில், அரசியல் உரிமையில் மக்களால் தேர்ந்தெடுக்கப்படாத எவரும், அது நீதிமன்றமோ, தேர்தல் ஆணையமோ அல்லது வேறு எந்த நபரோ, நிறுவனமோ தலையிட முடியாது. அவ்வாறு தலையிட்டால் அங்கு ஜனநாயகம் மறுக்கப்படுகிறது மற்றும் மரபு மீறப்படுகிறது என்று பொருள். இலவசமா – முதலீடா? எதுவுமே இங்கு இலவசம் இல்லை என்பதை முதலில் புரிந்து கொள்ள வேண்டும். மக்கள் அனைவரும் வரி செலுத்துகின்றனர். அந்த வரிப்பணத்தில்தான் அரசாங்கங்கள் பொருளாதாரத் திட்டங்களை நிறைவேற்றுகின்றன. அப்படி இருக்க, மோடி சொல்லும் இலவசம் எது? கல்வி, சுகாதாரம், சத்துணவு போன்ற மக்கள் நலத் திட்டங்கள் அனைத்தும் வீண் பொருளாதாரச் செலவுகளா? ஆராய்ந்து பார்ப்போம். எந்த ஒரு நாட்டின் பொருளாதார வளர்ச்சிக்கும் இயற்கை வளங்களும் மனித வளங்களும்தான் அடிப்படை. இவற்றைப் பயன்படுத்தியே முதலாளித்துவ பொருளாதார உற்பத்தி நடைபெறுகிறது. இதில் மனிதவள முன்னேற்றத்திற்கு செய்யும் செலவுகள் அனைத்தும் முதலீடுகளே. அமெரிக்கா, ஆஸ்திரேலியா, இங்கிலாந்து என வளர்ந்த முதலாளித்துவ நாடுகளில் கூட பல காலமாக மக்கள் நலத் திட்டங்கள் செயல்படுத்தப்படுகின்றன. பல சமயங்களில் பொருளாதாரம் மற்றும் பிற அதிர்ச்சிகளால் மக்கள் பாதிக்கப்படும் பொழுது உடனடி நிவாரணங்கள் வழங்குவது அவசரத் தேவை ஆகின்றது, கொரோனா காலத்தில் இலவச தடுப்பூசி, பண உதவிகள் போல. மற்ற காலங்களில் முதலாளித்துவ சந்தை இயங்குவதற்காக, மக்கள் பணப் புழக்கத்தை அதிகரிக்க, மனித வளத்தை மேம்படுத்த, அரசுத் திட்டங்கள் அமல்படுத்தப்பட வேண்டி இருக்கின்றன. இவை இலவசங்கள் அல்ல. மாறாக இன்றி அமையாத முதலீடுகள்....
தமிழகத்தின் ஏதோ ஒரு ஆற்றில் இருந்து அள்ளப்பட்ட மணலே மாலத்தீவில் கட்டிடங்களாக உருமாறிக் கொண்டிருக்கின்றன. பாலைவன நாடுகள் என்று அழைக்கப்படும் வளைகுடா நாடுகளில் ஆற்று மணல் இல்லாததால் ஏதோ ஒரு நாட்டில் இருந்தே மணல் இறக்குமதி செய்யப்படுகின்றது.  நாம் வியந்து பார்க்கும் கட்டிடங்கள் அனைத்திலும் மணல் ஒளிந்து கொண்டு உள்ளது. ஒருவர் வீடு கட்டக்கூடாதா என்றால் கட்டலாம். வீடு என்பது வசிப்பவரின் தேவைக்கு போதுமானதாக இருக்க வேண்டும். ஆனால் மாளிகை என்பது செல்வ நிலையின் அடையாளம். இரண்டு பேர் வசிப்பதற்கும் 10 ஆயிரம் சதுர அடி மாளிகை கட்டப்படுவதை பார்க்கிறோம். முகேஷ் அம்பானி மும்பையில் கட்டி உள்ள 27 அடுக்கு மாளிகை ஏறக்குறைய ஐந்து லட்சம் சதுர அடி பரப்புடையது. ஆனால் அங்கிருந்த அவருடைய குடும்ப உறுப்பினர்களோ மொத்தம் ஐந்து பேர்தான்.  அதே மும்பையில்தான் வீடற்றுச் சேரிப் பகுதிகளில் பெரும் எண்ணிக்கையில் மக்கள் குவிந்துள்ளனர். 2011 ஆம் ஆண்டு கணக்கெடுப்பில் இந்தியாவின் ஒன்பது கோடி நகர்ப்புற வீடுகளில் ஒரு கோடியே 10 லட்சம் வீடுகள் காலியாக இருந்தன என்கிற தகவலை இத்துடன் இணைத்துப் பார்க்கலாம். ஆனாலும் வளர்ச்சித் திட்டங்கள் குறையவில்லை. யாருக்காக அந்த வளர்ச்சி என்பதுதான் கேள்வி.  இந்தியாவில் மட்டும் ஓராண்டில் ஏறத்தாழ 3 கோடி டன் வரை கட்டிடக்கழிவு உருவாகிறது. இவற்றில் ஐந்து விழுக்காடு மட்டுமே மீண்டும் பயன்படுத்தப்படுகிறது. சிங்கப்பூரில் இது 98% ஆக உள்ளது. நாம் எப்போது அந்த இடத்திற்கு முன்னேறப் போகிறோம்? (எழுத்தாளர் நக்கீரன் தமிழ் இந்துவில் எழுதிய கட்டுரையிலிருந்து)
1 min read
சாவர்கர் அந்தமான் செல்லுலர் சிறையில் அடைக்கப்பட்டு இருந்தபோது அவர் அறைக்கு வரும் புல் புல் என்ற பறவையின் மீது ஏறிப் பறந்து இந்தியாவிற்கு தினசரி வந்து போனாராம். இது கர்னாடகாவில் புதிதாக உருவாக்கப்பட்ட எட்டாம் வகுப்பு பாடப் புத்தகத்தில் உள்ள ஒரு பாடம். அந்தமானிலிருந்து அப்பப்ப இந்த புல்புல் பறவை மீது ஏறி பறந்துவந்து தனது பிரிட்டிஷ் எஜமானர்களிடம் மன்னிப்புக் கடிதம் மற்றும் பென்சன் விண்ணப்பம் கொடுத்துவிட்டு.சாவர்கர் அந்தமான் திரும்பிவிடுவார் போலும்!  தான் நினைத்ததை ஆணையிடும் அதிகாரம் புல்புல் பறவைக்கு உண்டு என்பதை...
1 min read
16 மாதங்கள் உச்சநீதிமன்ற தலைமை நீதிபதியாக இருந்த என்.வி.ரமணா நாளை ஒய்வு பெறுகிறார். எந்த தலைமை நீதிபதிக்கும் இல்லாத பெருமை ரமணாவுக்கு உண்டு. தலைமை நீதிபதியாக இருந்த இந்த 16 மாதத்தில் எந்த ஒரு முக்கிய வழக்கையும் விசாரித்து அவர் தீர்ப்பு வழங்கவே இல்லை.   1. காஷ்மீர் மாநிலத்துக்கு சிறப்பு அந்தஸ்தை வழங்கும் அரசியல் சாசன பிரிவு 370-ஐ ரத்து செய்ததை எதிர்த்து 16/08/2019-ல் வழக்கு தொடரப்பட்டது. ஏறத்தாழ இரண்டரை வருடமாக அந்த வழக்கை விசாரிக்க இன்னும் அரசியல் சாசன அமர்வு கூட உருவாக்கப்படவில்லை.   2. தேர்தல் பத்திரங்களுக்கு ( Electoral Bonds) எதிராக தொடரப்பட்ட வழக்கு. இதை எதிர்த்து 5/04/2019-ல் உச்சநீதிமன்றத்தில் முதல் விசாரணை நடந்தது. இந்த வழக்கின் மீது கடந்த 3 ஆண்டுகளில் 8 முறை மட்டுமே விசாரணை நடந்துள்ளது. இந்த வழக்கு 1,816 நாட்கள் நிலுவையில் உள்ளது.   3. சட்டவிரோத செயல்கள் தடுப்புச் சட்டம் – தனி மனிதனின் சுதந்திரத்தை பறிக்கும் இந்த சட்டத்தால் யார் வேண்டுமானாலும் கைது செய்யப்படலாம். பத்திரிகையாளர் சித்திக் காப்பான் இச்சட்டத்தின் கீழ் கைது செய்யப்பட்டு 21 மாதங்களாக சிறையில் இருக்கிறார். 9/9/2019-ல்  உச்சநீதிமன்றத்தில் UAPA சட்டத்துக்கு எதிராக வழக்கு தொடரப்பட்டது. 35 மாதங்களாக இவ்வழக்கில் ஒரு முறை மட்டுமே விசாரணை நடந்திருக்கிறது. இச்சட்டம் அமலுக்கு வந்த நாள் முதல் பல சமூக செயற்பாட்டாளர்கள் கைது செய்யப்பட்டுள்ளனர். அவர்களுக்கு இன்னும் பிணை கிடைக்கவில்லை. அதில் உமர் கலித்தும் ஒருவர்.  4.10% இட ஒதுக்கீடு வழக்கு- பொருளாதார அடிப்படையில் இடஒதுக்கீடு வழங்குவது அரசியல் சாசனத்துக்கு எதிரானது எனக் கூறி இதை எதிர்த்து 12/03/2019-ல் உச்சநீதிமன்றத்தில் வழக்கு தொடரப்பட்டது. 1,323 நாட்களாக நிலுவையில் இருக்கும் இவ்வழக்கில் இதுவரை 6 முறை மட்டுமே விசாரணை நடந்துள்ளது. EWS ஒதுக்கீடு மூலம் முற்பட்ட வகுப்பினருக்கு கடந்த 3 ஆண்டுகளாக நடந்த போட்டித்தேர்வுகளில் OBC வகுப்பினரை விட கட் ஆப் மதிப்பெண் குறைக்கப்பட்டு மாபெரும் சமூக அநீதி இழைக்கப்பட்டுள்ளது. இவ் வழக்கை விசாரிக்க இன்னும் அரசியல்சாசன அமர்வு உருவாக்கப்படவில்லை.  5. குடியுரிமை திருத்தச் சட்டம்-18/12/2019-ல் CAA சட்டத்தை எதிர்த்து உச்சநீதிமன்றத்தில் வழக்கு தொடரப்பட்டது. 987 நாட்கள் நிலுவையில் இருக்கும் இந்த வழக்கில் இதுவரை 2 முறை மட்டுமே விசாரணை நடந்துள்ளது....
1 min read
துணுக்குகள் : படித்ததில் ரசித்தவை.. # சீனா.. ஜப்பான்.. ஜெர்மனி.. பின்லாந்து ஆகிய நாடுகள் பள்ளிப் படிப்பு முதல் பல்கலைக்கழகப் படிப்பு.. ஆராய்ச்சி.. மருத்துவம்.. தொழிற்கல்வி உள்ளிட்ட அனைத்தையும் தங்கள் தாய் மொழியில் அளித்து வருகின்றன. சீனா.. ஜப்பான் நாட்டின் பல்கலைக்கழகங்களுக்குச் சென்று பார்த்தபோது நோபல் பரிசு பெற்ற ஆராய்ச்சியாளர்களின் ஆராய்ச்சிக் கூடங்கள் அனைத்துமே அவர்களின் தாய் மொழியிலேயே பயன்படுத்தப்பட்டிருக்கின்றன. உலகத்தில் ஆங்கிலத்தில் வெளிவருகின்ற நூல்களும் பத்திரிகைகளும் வெளிவந்த அடுத்த இரண்டு நாட்களில் ஜப்பானிய மொழியில் அதற்கான மென்பொருள் மூலமாக மாற்றித் தரப்படுகின்றன. .. தமிழ் இந்துவில் க.திருவாசகம்.. சென்னைப் பல்கலைக் கழக முன்னாள் துணைவேந்தர் # பிரிக்ஸ் எனப்படும் வளரும் நாடுகளின் கூட்டமைப்பில் அறிவியலுக்கான நிதி ஒதுக்கீடு இந்தியாவில்தான் ஆகக் குறைவு..ஜிடிபி-யில் 0.69%..  தென் கொரியா 4.29%.. தென்னாப்பிரிக்கா 0.73%.. சீனா 2.05%.. பிரேசில் 1.24% # Uncle Volt-face Nitish kumar has...
1 min read
சிதம்பரம் இரவிச்சந்திரன். ஆஸ்திரேலியா தேனீக்களுக்கு லாக் டவுன் அறிவித்துள்ளது. நியூ சவுத் வேல்ஸில் ‘வரோவா’ என்ற ஒட்டுண்ணித் தொற்று...
1 min read
சங் பரிவாரத்தைச் சேர்ந்தவங்க சுதந்திரப் போராட்டத்திலே ஏன் கலந்துக்கலைன்னு கேக்கறீங்க. சொல்றோம், கேட்டுக்குங்க. எங்களுக்குப் பிரிட்டிஷ்காரங்க மேலே கோபம்....
1 min read
மானுடம் மே-ஜுலை இதழில் தேனி சுந்தர் எழுதியுள்ள கட்டுரையைப் படித்துப் பாருங்கள். பள்ளிக்கு சிறிய சமூகம் என்றும் சமூகத்திற்கு பெரிய...
1 min read
ஒவ்வொரு மனிதருக்கும் தான் எத்தனை ஆண்டுகள் வரை உயிரோடு இருக்கப்போகிறோம் என்ற கேள்வி மனதுக்குள்ளாவது நிச்சயம் இருக்கும். “அதையெல்லாம் பிறக்கும்போதே ஆண்டவன் தலையிலே எழுதிவைத்துவிட்டான்” என்று எளிமையாக நம்புவோர் பலர். ஆதி காலத்தில் மனிதர்கள் முதிய வயது வரை வாழ்ந்தார்கள் என்று கல்வெட்டுகளிலிருந்து ஆதாரம் காட்டுவோர் உண்டு....
1 min read
“விடிந்தால் இந்த தேசம் விடுதலை அடையப் போகிறது. நாங்கள் சிறையில் இருந்தோம்.மாலை 6 மணிக்கு நாங்கள் இருந்த சிறைச்சாலைக்கு நீதிபதி அலீம் வந்து விசாரித்து விட்டு, இதுவொரு பொய்வழக்கு என எங்கள் அனைவரையும் விடுவிக்க உத்தரவிடுகிறார்.விடுதலையான அனைவரும் ஊர்வலமாக வந்து திலகர் திடல் பொதுக்கூட்டத்தில் பேசி முடித்த பிறகு, எல்லா கோவில்களிலும் சுதந்திர மணி ஒலிக்கிறது. சுதந்திரத்திற்காகப் போராடிய கம்யூனிஸ்டுகள் இப்போது அதைப் பாதுகாக்க போராடுகிறோம்” *-என்.சங்கரய்யா* 
1 min read
மகாராஷ்டிராவில் சிவசேனா தலைமையிலான கூட்டணி ஆட்சியை பாஜக சதித்திட்டம் தீட்டிக் கவிழ்ந்து தனது குதிரை பேரத்தால் ஏக்நாத் ஷிண்டே தலைமையிலான கைப்பாவை அரசை வெற்றி பெற வைத்திருக்கிறது. இது அப்பட்டமான அரசியல் அநாகரீகம். பணத்தைக் கொண்டு ஜனநாயகத்தைச் சிதைக்கும் அயோக்கியத்தனம். இது இந்திய ஜனநாயகத்திற்கு ஏற்பட்டிருக்கும் தார்மீக தோல்வி.    தேர்தல்களில் மக்களின் வாக்குகளை பெற்று வெற்றி பெற்றவர்கள் ஆட்சி அமைக்கிக்கின்றனர். ஆனால் பாசிச வெறி கொண்ட பாஜக அதனை ஏற்க மறுக்கிறது. இது இந்திய ஜனநாயகத்திற்கே மிகப்பெரிய ஆபத்தாக முடியும். கடந்த 8 ஆண்டுகளில் மட்டும் 11 அரசு களைக் கவிழ்த்து, மிகக்கேவலமாகக் குறுக்கு வழியில் ஆட்சி அதிகாரத்தைக் கைப்பற்றியிருக்கிறது. 2016-ல் அருணாசலப் பிரதேசத்தில் நடைபெற்ற சட்டமன்ற தேர்தலில் மொத்தமுள்ள 60 இடங்களில், வெறும் 11 தொகுதிகளில் மட்டும் வென்ற பாஜக, அப்பட்டமாகக் குறுக்குவழியில் ஆட்சியைக் கைப்பற்றியது. பாஜகவை நம்பி களம் இறங்கிய கலிகோபுல் தற்கொலை செய்து கொண்டதுதான் மிச்சம்.   2017ல் மணிப்பூர் மற்றும் கோவாவில் அதிக இடங்களைப் பிடித்த காங்கிரஸ் கட்சி எம்எல்ஏக்களை குதிரை பேரத்தில் வீழ்த்தி விலைக்கு வாங்கியதுடன், பல சிறுகட்சி எம்எல்ஏக்க ளையும் பேரம் பேசி ஆட்சியைக் கைப்பற்றியது.  2017-ல் பீகாரிலும் இது போன்ற தில்லுமுல்லு வேலையில் ஈடுபட்டே பாஜக ஆட்சி அமைத்தது.  2018ல் மேகாலயாவில் நடைபெற்ற சட்டமன்ற தேர்தலில் மொத்தமுள்ள 60 இடங்களில் பாஜக வெறும் 2 இடங்களில் மட்டுமே வெற்றி பெற்றது. ஆனாலும் குறுக்குவழியில் ஆட்சி அதிகாரத்தை பாஜக கைப்பற்றியது. அதே ஆண்டு ஜம்மு காஷ்மீர் சட்டமன்றத்தைச் சட்டவிரோதமாகக் கலைத்து ஆளுநர் மூலம் ஆட்சி அதிகாரத்தைக் கைப்பற்றியது.  2019-ல் சிக்கிமில் மொத்தமுள்ள 32 தொகுதிகளில் ஒரு தொகுதியில் கூட பாஜகவை மக்கள் ஏற்கவில்லை. ஆனால் பாஜக அதிகார வெறி கொண்டு சிக்கிம் ஜனநாயக முன்னணியின் எம்எல்ஏக்களை விலைக்கு வாங்கி,  சிக்கிம் கிராந்திகாரி மோர்ச்சாவுடன் இணைந்து ஆட்சி அதிகாரத்தைக் கைப்பற்றியது.  இதே மோசடி வேலைகளால் 2019-ல் கர்நாடகாவிலும், 2020ல் மத்தியப்பிரதேசத்திலும் ஆட்சி அதிகாரத்தை பாஜக கைப்பற்றியது. 2021-ல் புதுச்சேரியில் மக்கள் பாஜவை நிராகரித்த நிலையில் ஆளுநரால் நியமிக்கப்பட்ட பாஜக எம்எல்ஏக்களை கொண்டும் ரங்கசாமியை மிரட்டியும் வளைத்தும் ஆட்சி அதிகாரத்தைக் கைப்பற்றியது பாஜக.   இப்படி மக்களின் விருப்பத்திற்கு மாறாகவே 11 முறை மாநிலங்களில் பாஜக ஆட்சி  ...
சட்டத்திற்கு விரோதமாக எனது உடைகளை கிழித்து, ராணுவத்தின் உதவியோடு என்னை  கைது  செய்த டெல்லி காவல்துறை ஒரு மணி நேரமாக எங்கோ அழைத்து சென்றுகொண்டுள்ளனர், ஒரு மணி நேரமாக தண்ணீர் கேட்டும் தொடர்ந்து தர மறுக்கின்றனர். இது குறித்து நாடாளுமன்ற சபாநாயகரிடம் புகாரளித்துள்ளேன், ஒரு நாடாளுமன்ற உறுப்பினருக்கே நரேந்திர மோடியின் ஆட்சியில் இதுதான் நிலை என்றால் சாதாரண பெண்களுக்கு, எதிர்க்கட்சியை சேர்ந்தவர்களுக்கு என்ன பாதுகாப்பு இருக்கிறது. செ.ஜோதிமணி  கரூர் நாடாளுமன்ற உறுப்பினர்
1 min read
ஜூன் 8 அன்று நடைபெற்ற ரிசர்வ் வங்கியின் பணவியல் கொள்கை கூட்டத்தில் (Monetary Policy Committee) ரெப்போ ரேட் விகிதத்தை 4.4 சதவீதத்திலிருந்து 0.50 சதவீதம் உயர்த்துவது என்று முடிவு செய்யப்பட்டுள்ளது. சென்ற மாத துவக்கத்தில் ரெப்போ ரேட் 0.40 சதவீதம் உயர்த்தப்பட்ட நிலையில் ஒரு மாத காலத்திற்குள் இரண்டாவது முறையாக இந்த வட்டி விகிதம் உயர்த்தப்பட்டுள்ளது என்பது குறிப்பிடத்தக்கது. இது தவிர வங்கிகளின் ரொக்க கையிருப்பு வரம்பு விகிதத்தையும் (CRR) 0.50 சதவீதம் உயர்த்தியுள்ளது ரிசர்வ் வங்கி. 1. ரெப்போ ரேட் என்றால் என்ன? ரெப்போ ரேட் என்பது வணிக வங்கிகள் ரிசர்வ் வங்கியிடம் கடனாகப் பெறும் பணத்திற்கான வட்டி விகிதமாகும். எனவே இதன் அளவு அதிகரிக்கும்போது வங்கிகள் வாடிக்கையாளர்களுக்கு வழங்கும் கடன்களுக்கான வட்டி விகிதத்தை உயர்த்தும். நாட்டின் பணவீக்கம் தொடர்ந்து அதிகரித்து வருவதால் அதனைக் கட்டுப்படுத்தும் வகையில் இந்த வட்டி விகித உயர்வை அறிவிப்பதாக ரிசர்வ் வங்கி ஆளுநர் சக்தி காந்த தாஸ் தெரிவித்துள்ளார். மேலும், நடப்பு நிதியாண்டின் மொத்த பணவீக்‍கம் 6.7 சதவீதம் இருக்‍கும் என்றும் இந்தியாவின் பொருளாதார வளர்ச்சி (GDP) 7.2 சதவீதம் இருக்‍கும் என்றும் ரிசர்வ் வங்கி தெரிவித்துள்ளது. 2. பணவீக்கம் என்றால் என்ன? பணவீக்கம் என்பது பொருட்கள் மற்றும் சேவைகளுக்கான விலை களின் பொதுவான நிலை அதிகரித்து, அதன் விளைவாக, நாண யத்தின் வாங்கும் திறன் (மதிப்பு) குறைவது. பொருட்களின் விலைக ளுடன் வருமானம் அதிகரிக்கவில்லை என்றால், ஒரு நபரின் வாங்கும் திறன் குறைகிறது. இதுவே பணவீக்கம். 3. ரெப்போ ரேட் உயர்வால் பணவீக்கம்  எவ்வாறு கட்டுக்குள் வரும்? “ரிசர்வ் வங்கி தனது கடனுக்கான வட்டியை உயர்த்தும்போது வணிக வங்கிகள் தங்களது வாடிக்கையாளர்களுக்கு வழங்கும் கடன்களுக் கான வட்டி விகிதத்தை உயர்த்தும். இதன் மூலம் ஒட்டுமொத்தமாக மக்கள் வங்கியில் வாங்கும் புதிய கடன்களின் அளவு குறையும். மக்கள் தங்கள் செலவினங்களை சுருக்கத் தொடங்குவார்கள். மறுபுறம் இந்த அறிவிப்பின் மூலம் வங்கியில் வைப்புத்தொகைக்கான வட்டி விகிதம் உயரும். இதனால் மக்கள் தங்கள் கைகளில் இருக்கும் பணத்தை வங்கிகளில் சேமிப்பாக மாற்று வார்கள். இந்த ஒட்டுமொத்த நடவடிக்கைகளின் விளைவாக நாட்டில் புழக்கத்தில் இருக்கும் பணம் கணிசமான அளவில் குறைந்து வங்கிக்கு திரும்பும் எனவும், இதன் மூலம் பணவீக்கம் குறையும்” என்றும் ரிசர்வ் வங்கி எதிர்பார்க்கிறது. ஆனால் இது உண்மையில் பண வீக்கத்தை கட்டுப்படுத்தாது. ஏனெனில் வைப்புத் தொகைக்கான வட்டி வீதத்தை வணிக வங்கிகள் ரெப்போ ரேட் உயர்வதற்கு ஏற்றாற்போல் உயர்த்துவது இல்லை. மறுபுறம் ஏற்கனவே 70 சதவீத மக்கள் கையில் சேர்த்து வைக்க எதுவும் இல்லை. அவர்களின் வாழ்க்கை கைக்கும் வாய்க்குமாகவே உள்ளது. அவர்கள் பெரும்பாலும் கடனை நம்பியே வாழ்கிறார்கள். வட்டி விகிதம் உயரும்போது, தவணைத் தொகை உயரும். இதனால் அவர்கள் புதிதாக கடன் வாங்க வேண்டிய சூழல் உருவாகும். 4. இந்த வட்டி உயர்வு சாமானிய மக்கள் மற்றும் தொழிலாளிகளை எவ்வாறு பாதிக்கும்? ஓரளவிற்கு மேல் பொருட்களின் விலையை உயர்த்த முடியாமல் போகும்போது, வணிகர்கள் தங்களின் செலவீனங்களைக் குறைக்கத் துவங்கி, தங்களிடம் வேலை செய்யும் தொழிலாளர்களின் ஊதி யத்தில் கை வைப்பார்கள். ஏற்கனவே கொரோனா பாதிப்பில் வேலை யிழப்பு மற்றும் சம்பள குறைப்பில் தவித்த சாமானிய தொழிலாளர்கள், இப்போது மேலும் இன்னலுக்கு உள்ளாவார்கள். இதனால் அவர்களின் வாங்கும் சக்தி மேலும் வீழ்ச்சியடையும். இதனால் சந்தையின் பொதுவான கிராக்கி குறைந்து உற்பத்தியான பொருட்களின் விற்பனையில் ஒரு பெரிய தேக்கம் உருவாகும். இது நாட்டின் பொருளாதாரச் சுழற்சியை மேலும் மேலும் வெளிவர முடியாத சுழலுக்குள் சிக்க வைக்கும். 5. பணவீக்கத்தைக் கட்டுப்படுத்த அரசாங்கம் செய்ய வேண்டியது என்ன?...
# செல்லாத நோட்டு திட்டத்தின் மூலம் குடிமக்கள் அனைவரையும் நடு ரோட்டில் நிற்கவைத்தீர்களே.. அதில் உங்களுக்கு கொஞ்சம் கூட வெட்கம் இல்லையா? # கருப்புப் பணத்தை பிடிக்கப் போறேன்னு பொய் சொல்லி அடித்தட்டு மக்களை கண்ணீரோடு  அலைக்கழித்தீர்களே.. அதில் உங்களுக்கு வெட்கம் இல்லையா? # நான்கு மணி நேர  இடைவெளியில் ஊரடங்கு உத்தரவைப் பிறப்பித்து பல்லாயிரம் தொழிலாளர்களை குடும்பம் குடும்பமாக தலையில் சுமையுடன் பல கிலோமீட்டர்   தூரம்...
1 min read
இயல்பாகவே சிறப்பாக இருப்பதுஎஸ் வி வேணுகோபாலன்இது நடந்து நாற்பது ஆண்டுகளுக்குமேல் இருக்கும். ’அந்தப் பையன் பெயர் கூடத் தெரியலியே!’...
75 ஆண்டுகள் இல்லாத அளவுக்கு இந்தியாவுக்கு 54 நாடுகளினுடைய பகையை சேர்த்துள்ள பெருமை மோடி அரசுக்கே. ஒன்றிய அரசு அரசியல் சட்டத்தை இடைவெளி இல்லாமல் அமல்படுத்தியிருந்தால் மதக்கலவரங்கள் நடந்திருக்காது. * *இந்தியா ஒரு மதச்சார்பற்ற நாடு, அதன் அரசியலமைப்புச் சட்ட விதிகளை  அடிப்படையாகக் கொண்டு நீதிமன்றங்கள் நீதி வழங்கியிருந்தால் மதக்கலவரங்கள் நடந்திருக்காது. * *ஆர்எஸ்எஸ், பிஜேபியினுடைய கொள்கையைத்தான், மத துவேசத்தைத்தான் பாஜக செய்தித் தொடர்பாளர் நுபுர் ஷர்மா, நவீன் மிட்டல் ஆகிய 2 பேரும் பேசியிருக்கிறார்கள். அவர்களை பதவி நீக்கம் செய்துவிட்டால் மட்டும் யார் இவர்களை நம்புவார்கள்? இவர்களின் தொடர் வெறுப்பு அணுகுமுறையால் 75 ஆண்டுகளில் இல்லாத அளவுக்கு இந்தியாவுக்கு 54 நாடுகளில் பகையை சேர்த்துள்ள பெருமை மோடி அரசுக்கே. * *மதச்சார்பற்ற அனைவரும் இதைக் கண்டிக்கிறோம்.  – தோழர் டி.கே.ரங்கராஜன் மூத்த தலைவர், சிபிஎம்
1 min read
அடுத்து “சிறு வயதில் எப்போதாவது நீங்கள் பிரதமராகும் கனவு கண்டதுண்டா? உலகம் முழுவதும் அறியமுடிந்த ஒருவராய் இருப்போம் என நினைத்ததுண்டா?” ஒரு மாணவனின் குரல் ஒலித்தது. லேசாக சிரித்துக் கொண்டே “நான் நினைத்ததே இல்லை. பள்ளியில் லீடராகும் போட்டியில் கூட கலந்து கொண்டது இல்லை” என்றார் மோடி. ”நான் நினைத்ததே இல்லை.” என்பது வரைக்கும் உண்மை. இந்திரா காந்தியிடமோ, ராஜீவ் காந்தியிடமோ, ராகுல் காந்தியிடமோ இந்தக் கேள்வி கேட்டிருந்தால் வேறு பதிலை எதிர்பார்க்கலாம். 2001 அக்டோபர் 1-ம் தேதி, அன்றைய பிரதமர் வாஜ்பாய் அழைத்து, “நீங்கள் குஜராத் முதலமைச்சராக பணியாற்ற வேண்டும் “ என்று சொல்லும் வரைக்கும் அப்படியொரு எண்ணம் மோடிக்கு வந்திருக்க வாய்ப்பில்லை. அதற்காக பள்ளியில் லீடராகக் கூட ஆசைப்பட்டதில்லை என்று சொன்னதுதான் நெருட வைத்தது. சேட்டன் பகத்தின் நிகழ்ச்சியில் மோடியின் நண்பர் சொன்னதற்கும், பள்ளிக் குழந்தைகளிடம் மோடி சொன்னதற்கும் உள்ள முரண்பாடு வெளிப்பட்ட இடமாக அந்த பதில் இருந்தது. ஒன்று, பிரதமர் நரேந்திர மோடி சொன்னது பொய்யாக இருக்க வேண்டும். அல்லது அவரது பள்ளி நண்பர் சொன்னது பொய்யாக இருக்க வேண்டும். பள்ளி நண்பர் மிகச் சாதாரணமானவர். அவர் மோடி குறித்து பொய் சொல்லத் தேவையில்லை. மோடியைப் பற்றி அவருக்குத் தெரிந்தவர்களின் இயல்பான உரையாடல்களின் மூலம் ஒரு பிம்பத்தை கட்டி எழுப்பவே சேட்டன் பகத் போன்ற ஒரு எழுத்தாளர் முயன்றிருப்பார். ஆக, பொய் பேசியது மோடி என்பதை உணர முடியும். அது குறித்து பொதுவெளியிலும், இணையத்திலும் விவாதங்கள் எழுந்தன. ‘இது ஒரு பெரிய விஷயம் போல ஏன் பேச வேண்டும்’, ’ஒரு சாதாரண விஷயத்தை ஏன் கிளறுகிறீர்கள்”, ‘மோடியின் மீது உங்களுக்கு இருக்கும் வெறுப்புத்தான் தெரிகிறது” என மோடியின் ஆதரவாளர்கள், திரும்பத் திரும்பச் சொன்னார்கள். அவர்கள் எல்லாம் பெரிய மனுஷன்கள் போலவும், இதுகுறித்து பேசுகிறவர்கள் அல்பர்கள் போலவும் காட்டிவிட்டு கடந்து விட முனைந்தார்கள். நரேந்திர தாமோதர்தாஸ் மோடி இந்த நாட்டின் பிரதமர் என்பதையும், அவர் வகிக்கும் பதவிக்கும் பொறுப்புக்கும் இருக்க வேண்டிய தன்மை குறித்தும் அவர்கள் கவலைப்படவில்லை. “பிரதமரின் ஒவ்வொரு சொல்லிலும் வெளிப்படைத்தன்மையும், உண்மையும் இருக்க வேண்டும்” என தேசத்தின் சாமானிய மக்கள் எதிர்பார்க்கவே செய்வார்கள். அந்த பிரக்ஞையற்றவர்களாய் அவர்கள் மோடிக்கு வக்காலத்து வாங்கிக் கொண்டு இருந்தார்கள். மிகச் சிறிய விஷயத்தில் கூட இப்படி பொய் சொல்கிறவர், இந்த தேசத்தின் மிக முக்கிய காரியங்களிலும், பிரச்சினைகளிலும் எவ்வளவு பொய்களைச் சொல்வார் என்ற கேள்விகள் இயல்பாக எழத்தான் செய்யும்....
1 min read
ஜா. மாதவராஜ் (புக் டே இணையதளத்தில் வந்தது) “நீ பொய்யன் என்பதை அறிந்து கொள்வதற்கு ஒரு பொய் போதும். கடந்த காலத்தில் நீ செய்தவைகளை மக்கள் மறப்பதற்கும் எதிர்காலம் முழுவதையும் அந்த மக்கள் சந்தேகத்தோடு பார்ப்பதற்கும் பொய்கள் உதவுகின்றன.” – நிஷான் பன்வார். எழுத்தாளர் சேட்டன் பகத் முதன்முறையாக ஏ.பி.பி செய்தி சேனலில், ‘7 RCR’ என்னும் அந்த தொடரை 2014-ம் வருடம் ஜனவரி மாதம் முதல் நடத்தியதற்கு காரணங்களும், பின்னணியும் இருந்தது. இந்திய மத்திய வர்க்கத்தின் இளைய தலைமுறையால் நெருக்கமாக அறியப்பட்டவர் சேட்டன் பகத். 2010-ம் ஆண்டு உலகின் மிக செல்வாக்கு பெற்ற நூறு பேரில் ஒருவராக அவரை டைம் பத்திரிகை அறிவித்திருந்தது. 2014 பாராளுமன்ற தேர்தலில் டெல்லி ரேஸ் கோர்ஸ் சாலையில். 7-ம் நம்பர் வீட்டை அடையக் கூடிய முக்கிய அரசியல் தலைவர்களின் பிம்பங்களை காவியமாக்கும் தன்மையில் அந்த தொடரின் அத்தியாயங்கள் அமைந்திருந்தன. பரந்து விரிந்த இந்திய நிலப்பரப்பின் மீதும் மக்களின் மீதும் செல்வாக்கும், அதிகாரமும் செலுத்தக் கூடிய மனிதர் இவர்களில் ஒருவர் என்று ஆவலைத் தூண்டுவதுதான் அந்த நிகழ்ச்சியின் சாராம்சம். மொத்தம் பதினைந்து எபிசோட்களில், நரேந்திர மோடிக்கு ஆறு, ராகுல் காந்திக்கும் அரவிந்த் கெஜ்ரிவாலுக்கும் தலா இரண்டு, நிதிஷ் குமார், மம்தா பானர்ஜி, மாயாவதி, முலாயம்சிங் யாதவ், ஜெயலலிதா ஆகியோருக்கு தலா ஒன்று என முக்கியத்துவம் அளிக்கப்பட்டிருந்தது. தங்கள் உள்ளமும் அறிவும் கவர்ந்த எழுத்தாளரின் உள்ளக் கிடக்கையை வாசக பெருமக்கள் பார்த்தார்கள். ஒரு மனிதர் எல்லோரும் பார்க்கிற மாதிரி வெளிச்சத்துக்கோ, உயரத்துக்கோ அல்லது முன்னுக்கோ வருகிறபோது, அவர் மட்டும் வருவதில்லை. அவரது கடந்த காலமும் சேர்ந்தே வருகிறது. அதுவரைக்கும் அவரைப் பற்றி அறியாதவர்கள் அவரது கடந்த காலத்தை தெரிந்து கொள்ள முற்படுகிறார்கள். அவர் எப்படிப்பட்டவர் என்பதற்கான தடயங்கள் அங்குதான் இருக்கின்றன. அவ்வகையில் நரேந்திர மோடியின் கடந்த காலம் பலருக்கும் அறியப்படாமல் இருந்ததால் அல்லது அதிகமாக சொல்லப்பட வேண்டி இருந்ததால் அவருக்கு மட்டும் ஆறு எபிசோட்கள் என்றும் அந்த முக்கியத்துவத்தை புரிந்து கொள்ளலாம். தாமோதர்தாஸ் மோடி என்பவர் குஜராத்தில் இப்போதும் ஒரு டீக்கடை நடத்திக்கொண்டு இருப்பவராக வைத்துக் கொள்வோம். அசாமிலோ, தமிழ்நாட்டிலோ உள்ள டீக்கடைகளில் யாராவது அவரைப் பற்றி பேசிக்கொண்டு இருக்கப் போகிறார்களா? அவர் என்ன படித்தார், யசோதா பென்னோடு ஏன் சேர்ந்து வாழவில்லை என்றெல்லாம் யாராவது சிந்திக்கப் போகிறார்களா? அவரது கடந்த காலம், நிகழ்காலம் எல்லாமே அவருக்கும், அவரது குடும்பத்துக்கும், நண்பர்களுக்கு மட்டுமே தெரிந்தவையாக இருக்கும். அவர்களுக்கு மட்டுமே சம்பந்தப்பட்டவையாகவும் இருந்திருக்கும். ‘அவரே இனி இந்தியாவின் பிரதமர்’ என பெரும் சத்தத்தோடு சங்கு ஊதப்பட்டது. எல்லோருக்கும் சம்பந்தப்பட்ட மனிதராகிவிட்டிருந்தார். அவரை கடுமையாக எதிர்த்தும், கடுமையாக ஆதரித்தும் எங்கும் பேசப்பட்டது. அவரது கொள்கைகள், பார்வைகள், சிந்தனைகள், தத்துவங்கள், அனுபவங்கள் எப்படிப்பட்டவை என ஆராயாமல், அவரது தனிப்பட்ட குண நலன்கள்கள், இயல்புகள், வாழ்க்கை குறித்த அலசலாக மாற்றி, அவரை நாயகனாக்கும் காரியங்கள் கார்ப்பரேட் மூளைகளில் இருந்து அரங்கேறிக் கொண்டு இருந்தன. அதில் ஒரு எபிசோட்தான் சேட்டன் பகத்தின் ’7...
1 min read
கே.ராஜு- முன்னாள் தலைவர், மூட்டா # மூட்டா மாநாட்டில் பேச ஒரு தொழிற்சங்கத் தலைவரை அழைத்திருந்தோம். மதியம் 12 மணிக்குப்...
ஆபத்தான ஆயுதங்களைக் கைகளில் ஏந்தி சமூகத்திற்கெதிராக வன்முறையைப் பிரயோகிப்போரை பயங்கரவாதிகள் என்கிறோம். அப்படி ஏதும் ஆயுதங்களைக் கைகளில் ஏந்தாமலேயே...
1 min read
அரசுப் பள்ளிகளைப் பழிப்பதால் ஆகப்போவது ஒன்றுமில்லை என்று நாம் உணர வேண்டும். அரசுப் பள்ளிகளில் குறைகள் உண்டு. அவற்றைக் களைவதில் நம் அனைவருக்கும் பங்கும் உண்டு. எளிய மக்களின் ஒரே பற்றுக்கோடான அரசுப் பள்ளிகள் பலமிழந்தால், அவர்களின் வறுமையுடன் கல்லாமையும் சேர்ந்துகொள்ளும். கல்வியின் சாத்தியங்களை அறியாததால்தான் இந்தப் பிள்ளைகள் பெஞ்சுகளை உடைக்கிறார்கள், வன்முறையை நாடுகிறார்கள். அடுத்து, எல்லோரும் அவரவர் பகுதியில் இருக்கும் அரசுப் பள்ளிகளின் மேம்பாட்டுக்குப் பங்களிக்க வேண்டும். மாணவர்களின் வளர்ச்சிக்கு அவரவரால் இயன்ற அளவுக்கு உதவ வேண்டும். ஆசிரியர்-பெற்றோர் உரையாடலை வளர்த்தெடுக்க வேண்டும். இதற்கு உள்ளூர்க்காரர்களால் உதவ முடியும். நம் கல்வி, நம் உரிமை, நம் சமூகம், நம் பள்ளி என்கிற உணர்வு மேலெழும்ப வேண்டும். – மு.இராமனாதன், எழுத்தாளர், பொறியாளர். தொடர்புக்கு: [email protected]  (2022 மே 13 அன்று தமிழ் இந்துவில் வந்த கட்டுரையின் இறுதிப் பகுதி)
1 min read
க.சிவசங்கர் ஒரு தொழிலாளி தன் இளமைக் காலம் முழுவதும் செலுத்திய உழைப்பின் பலனை உடலில் வலு இல்லாத தன் இறுதிக் காலத்தில், தன் வாழ்க்கையை யாருடைய உதவியும் இன்றி குறைந்தபட்ச கௌரவத்துடன் அமைத்துக் கொள்ள ஏற்படுத்தப்பட்ட சமூக பாதுகாப்புத் திட்டமே (Social Security Scheme) ஓய்வூதியம். 1982-ம் ஆண்டு டிசம்பர் மாதம் 17-ந் தேதி அப்போதைய உச்சநீதிமன்ற தலைமை நீதிபதி சந்திரசூட் தலைமையிலான அமர்வு இந்தியாவில் ஓய்வூதிய நடைமுறை குறித்து ஒரு வரலாற்று சிறப்புமிக்க தீர்ப்பினை வழங்கியது. அந்த தீர்ப்பில், “ஓய்வூதியம் என்பது அரசின் கருணைத்தொகையோ, நன்கொடையோ அல்ல. ஓர் அரசு ஊழியர் பல ஆண்டு காலம் அரசாங்கத்துக்கும், பொதுமக்களுக்கும் பணியாற்றியமைக்காக அவர் பெறும் உரிமைத் தொகையாகும். அரசு ஊழியர் ஓய்வுபெற்ற பின்னர் அவர் அமைதியாகவும், கௌரவமாகவும் வாழ்வதை அரசாங்கம் உறுதிசெய்ய வேண்டும்” என்று கூறப்பட்டு இருந்தது. ஓய்வூதியம் வழங்குவதால் அரசிற்கு நட்டம் வருமா? ஓய்வூதியம் கொடுப்பதால் ஒரு குறிப்பிட்ட நிறுவனம் நொடிந்து போய் நட்டத்தில் சென்று விடும் என்று பரப்பப்படும் செய்திகளில் துளி உண்மையும் இல்லை. அந்த நிறுவனத்தின் லாபக் குவிப்பில் ஒரு சிறிய அளவு குறையும்; அவ்வளவே. மற்றபடி அது நட்டத்தில் போவதற்கு வேறு பல காரணங்கள் இருக்கலாமே ஒழிய, ஓய்வூதியம் கொடுக்கப்படுவதே காரணம் என்று சொல்வதற்கு எந்த முகாந்திரமும் இல்லை. மேலும் ஓய்வூதியம் வழங்குவதால் அரசிற்கு நட்டம் ஏற்படுகிறது என்ற கருத்தும் அதிகமாக முன்வைக்கப்படுகிறது. அரசிற்கு வருவாயை ஈட்டக்கூடிய லாபம் கொழிக்கும் கேந்திரமான துறைகளை ஒவ்வொன்றாக தனியாருக்குத் தாரை வார்த்து விட்டு, அரசிடம் பணம் இல்லை என்று சொல்வது எவ்வாறு சரியாக இருக்கும்? மாறாக கேந்திர முக்கியத்துவம் வாய்ந்த மற்றும் வருவாய் ஈட்டும் துறைகள் தனியாரிடம் இருந்து மீட்கப்பட்டு அரசே ஏற்று நடத்த வேண்டும். அவ்வாறு நடைபெறும் பட்சத்தில் மிகச்சில தனி நபர்களிடம் குவிந்துள்ள செல்வம் அரசின் கஜனாவிற்கு வந்து சேரும். இதன் மூலம் அரசு ஊழியர்களுக்கு மட்டும் அல்ல, அமைப்பு சாரா பணிகளில் இருக்கும் வயது மூத்தோர்களுக்கும் கூட  ஓய்வூதியம் வழங்க இயலும். புதிய ஓய்வூதிய திட்டமா? பழைய ஓய்வூதிய திட்டமா? ஒரு தொழிலாளி ஓய்வு பெற்ற காலம் முதல் தான் இறக்கும் காலம் வரை மாதம்தோறும் முறைப்படுத்தப்பட்ட குறிப்பிட்ட தொகையைப் (Defined pension) பெறுவதற்கு வழிவகுப்பது பழைய ஓய்வூதிய திட்டம் மட்டுமே. மாறாக தற்போது நடைமுறையில் இருக்கும் புதிய ஓய்வூதியத் திட்டத்தின் படி ஒரு தொழிலாளி பணியில் இருக்கும் காலம் முழுவதும் சேகரிக்கப்படும் பணத்தின் பெரும்பகுதி பங்குச்சந்தையில் முதலீடு செய்யப்படுகிறது. எக்காலத்திலும் நிலையான மதிப்பைக் கொண்டிருக்காத, மதிப்பிழக்கும் ஆபத்தை அதிகம் கொண்ட பங்குச்சந்தையினால் தன் வாழ்நாள் முழுவதும் சேகரித்த பணம் எப்போது பறிபோகுமோ என்ற அச்சத்துடன், எந்த வகையிலும் தன் தேவைகளைப் பூர்த்தி செய்ய இயலாத மிகக் குறைந்த அளவிலான மாதாந்திர தொகையை ஓய்வூதியம் என்ற பெயரில் வாங்க வேண்டிய அவல நிலைக்கு தொழிலாளர்கள் தள்ளப்படுகின்றனர். பாதுகாப்புத்துறை ஊழியர்கள் (Defense Employees) இத்தகைய நிலைக்கு தள்ளப்படக் கூடாது என்ற காரணத்தினால் தான் அரசு அவர்களுக்கு பழைய ஓய்வூதிய திட்டத்தையே தொடர்கிறது....

2022 மே 11 பதிவுக்கு மூன்று படங்கள்…
*மூதாதையர்கள்  சிந்திய**ரத்தம் முழுவதையும்**முதலில் அளந்தவன் அவனே !**உற்பத்திப் பொருட்களின்**ஓரத்தில் படிந்த**ரத்தத்தை பார்த்த**முதல் மனிதன் அவனே !**அவன்**மின்சாரத்தைப்**புத்தகங்களில்* *அடைத்து**மனிதனிடம்* *கொடுத்தான்**பிடித்தவர்கள்* *தலைகளில்**பல்புகள் எரிந்தன ..**பனித்துளிகளை* *எல்லாம்**சேகரித்து**பாலருவியாய்* *ஓடவிடும்**பொறுமை* *அவனுக்கிருந்தது…**அவனுக்கு**விரக்தி வந்திருந்தால்**விரக்திக்கு மருந்து**கிடைத்திருக்காது ….**பழைய சமூக அமைப்பிற்கு**சவப்பெட்டி ஒன்றை**தன் கையாலேயே**செய்து முடித்த* *பின்தான்**மானுடம் அவனது* *சவப்பெட்டியில்**மங்காத* *ஒளிவிளக்கை**ஏற்றிவைத்தது ..**அவனுக்கு**இரண்டு பெயர்கள்**ஓன்று மார்க்ஸ்**மற்றொன்று உண்மை !!*                – *கவிஞர் கந்தர்வன்*