May 17, 2022

புதியஆசிரியன்

டிஜிட்டல் வெளியீடு

மாணவர்களுடன் பிரதமர் மோடி!

# மாணவர்களுடன் ஒரு கலந்துரையாடல் நிகழ்ச்சியை பிரதமர் மோடி ஏற்பாடு செய்கிறார். நிகழ்ச்சியில் மோடிதான் பேசுவாரே தவிர, வேறு யாரும் பேசக் கூடாது என்ற கறார் அறிவுறுத்தலுடன் மாணவர்கள் உள்ளே அனுமதிக்கப்பட்டிருந்தனர்.

நிகழ்ச்சி தொடங்குகிறது. மோடி உள்ளே வருகிறார்.

மாணவர்கள் எழுந்து நின்று நமஸ்தேஜீ என்று கோரஸாகக் குரல் கொடுக்கின்றனர்.

# மோடி: நமஸ்தே.. நமஸ்தே! மாணவச் செல்வங்களே..  

பகவத் கீதை “வசுதேவ குடும்பகம்” என்கிறது. அப்படின்னா என்ன? இந்த உலகம் முழுக்க ஒரே குடும்பம்னு அர்த்தம். அந்தக் குடும்பத்தில எல்லாருக்கும் இடம் உண்டு.. முஸ்லிம்களைத் தவிர! முஸ்லிம்களே இல்லாத இந்தியாவை உருவாக்க நான் முயற்சி பண்ணிக்கிட்டிருக்கேன். அதாவது முஸ்லிம்-முக்த் பாரத்.. அவங்களை எங்க பரிவாரம் தாக்கினா கண்டுக்க மாட்டேன். நல்லா அடிக்கட்டும்னு விட்ருவேன்..

தொடர்ந்து இந்தியாவில முஸ்லிம்கள் இருக்கணும்னா, அவங்க இந்துக்களா மாறிடணும். எங்க வீட்டுப் பொண்ணுங்க ஹிஜாப் போட்டு தலையை மூடிக்க மாட்டாங்கன்னு பிரகடனம் பண்ணிட்டு ஜெய் ஸ்ரீராம்னு கோஷம் போடணும்.. அவ்வளவுதான்!

# உ.பி. தேர்தல்ல மட்டும் இல்லை.. கோவா, மணிப்பூர், உத்தரகாண்ட் ஆகிய நான்கு மாநிலங்கள்லயும் ஜெயிச்சுட்டோம். பஞ்சாபில மட்டும் மிஸ் பண்ணிட்டோம். அதையும் கூடிய சீக்கிரம் சரி பண்ணிடுவோம். நீங்கள்லாம் நாடு எந்த திசையில போய்க்கிட்டிருக்குங்கறதை நல்லா கவனிங்க. ஏபிவிபி-ல சேருங்க. அதுக்கு ரவுடித்தனம் பண்ணத் தெரிஞ்சிருக்கணும். ஆனா யார் கிட்ட அதைக் காமிக்கணும் யார்கிட்ட காண்பிக்கக் கூடாதுங்கற புத்தி வேணும்.

நாட்டை வளர்ச்சிப் பாதையில நான் கொண்டுபோய்க்கிட்டிருக்கேன். ஒரு நாளைக்கு ரெண்டு மணி நேரம்தான் நான் தூங்கறேன். அது பிடிக்காத “அந்தோலன் ஜீவிகள்” சில பேரு பல போராட்டங்களை விடாம நடத்தற தொழிற்சங்கங்களை நடத்திக்கிட்டிருக்காங்க. அவங்க நடத்தற   போராட்டங்கள்ல உள்ளே புகுந்து கலாட்டா பண்ணுங்க .. இல்லியா, கண்டுக்காம கடந்து போயிருங்க.. சுத்தி நின்னு வேடிக்கை பாத்தீங்கன்னா உங்களையும் அந்தக் கூட்டத்தோடு சேர்ந்தவங்கன்னு நெனச்சுருவாங்க.

# அண்ணாமலைன்னு ஒரு ஐபிஎஸ் ஆபீசரை தமிழ்நாட்டுக்கு அனுப்பியிருக்கேன் பாருங்க.. அவரை மாதிரி நீங்கள்லாம் படிக்கணும். இந்த வயசுக்குள்ளே 20000 புத்தகங்கள் படிச்சிருக்காரு.

(மாணவர்கள் அதை நம்ப முடியாமல் விழிக்கின்றனர்)

சரி.. சரி.. படிச்சார்னா, படிச்சுக் கிழிச்சார்னு வச்சுக்கங்களேன்!

# இந்திய ஜனநாயகம் ஆரோக்கியமா இருக்கணும்னா எதிர்க்கட்சிகள் பேருக்கு இருந்தா போதும். இது புரியாம காங்கிரஸ் வலுவான கட்சியா இருக்கணும்னு நிதின் கட்கரி பேசியிருக்காரு. அவர் நாக்பூர்ல என்னதான் கத்துக்கிட்டார்னு புரியலை. கட்கரி சொல்றதை நீங்க யாரும் சீரியசா எடுத்துக்க வேண்டாம்.

#  “காஷ்மீர் ஃபைல்ஸ்”னு ஒரு படம் வந்திருக்குன்னு உங்களுக்குத் தெரியும். படம் பார்த்துட்டீங்களா?

(இல்லையென்று மாணவர்கள் தலையை அசைக்கின்றனர்) 

உடனே பார்த்துடுங்க.. பரவலா நாங்க அந்தப் படத்திற்கு விளம்பரம் பண்ணிட்டு வரோம். நீங்கள்லாம் படத்திற்கு கட்-அவுட் வச்சு மேலே ஏறி குடம் குடமா பால் அபிஷேகம் பண்ணணும். சரியா..

(மாணவர்களில் சிலர் மட்டும் தலையை அசைக்கின்றனர்)

இன்னொண்ணு, பண்டிட்டுகளை நாங்க நெனச்சிருந்தா மீண்டும் காஷ்மீருக்கு அழைச்சிட்டுப் போய் குடியமர்த்தியிருக்கலாம். ஆனா நாங்க அதைச் செய்யமாட்டோம். அது எங்களோட அஜெண்டாவில இல்லை. பண்டிட்டுகள் பேரைச் சொல்லி முஸ்லிம்கள் மேலே இன்னும் வெறுப்பை ஊதிவிடறது மட்டும்தான் எங்க வேலை..

(மாணவர்கள் முகம் சுளிக்கின்றனர்)

# தமிழக முதல்வர் ஸ்டாலின் டெல்லி வந்து என்னைப் பார்த்தது பத்தி உங்களுக்கு பல கேள்விகள் இருக்கும். ஆனா அதைப் பத்தி ஒண்ணும் கேக்காதீங்க. பரீட்சையிலே அந்தக் கேள்வியை விட்டுருங்க.

(அந்தக் கேள்விக்கு பதில் வேண்டும் என்ற வகையில் மாணவர்கள் தலையை அசைக்கின்றனர்)

அவர் கோரிக்கைகளை அடுக்கிக்கிட்டே போக, நான் எதிரில் கடுகடுப்புடன் அமர்ந்திருந்த போட்டோவை பத்திரிகைகள்ல பார்த்திருப்பீங்க.. ஆனா நீட் தேர்வுக்கு நான் என்ன முடிவு எடுக்கப் போறேன்னு தெரிஞ்சுக்க ஆசைப்படறீங்க.. நீட் தேர்வை யாராலும் நிறுத்த முடியாது. அடுத்த நீட் தேர்வுக்கு அட்டவணை தயாராகிட்டுது.. மருத்துவக் கல்லூரிக்கு மட்டும் தேர்வு வச்சாத்தானே பிரச்சனை? இனி எந்த உயர் படிப்பா இருந்தாலும் நுழைவுத் தேர்வு உண்டு.. அதிலேருந்து யாரும் தப்பிக்க முடியாது..

(மாணவர்கள் தங்கள் அதிருப்தியை கண்களால் பரிமாறிக் கொள்கின்றனர்).

# ஒரு மாணவி எழுந்து ஜீ.. நான் ஒரே ஒரு கேள்வி மட்டும் கேட்டுக்கறேன். நாங்க எல்லாப் படிப்புக்கும் நுழைவுத் தேர்வு எழுதணும்கறீங்க.. நீங்களோ, அமித் ஷாவோ மற்ற பாஜக அமைச்சர்களோ எந்த நுழைவுத் தேர்வும் இல்லாமத்தான் எங்களை அதிகாரம் பண்ணிக்கிட்டிருக்கீங்க.. நாங்க இனிமே உங்களுக்கெல்லாம் ஒரு நுழைவுத் தேர்வு வைக்கலாம்னு இருக்கோம். அதில பாஸ் பண்ணாத்தான் நீங்க அமைச்சர்களாகத் தொடரமுடியும்..

(மாணவர்கள் கைதட்டுகின்றனர். பாதுகாப்பு போலீசார் அந்த மாணவி பக்கம் பாய்கின்றனர். மோடி அதிர்ச்சியில் விக்கித்து நிற்கிறார்)

கற்பனை : ராஜகுரு 

Spread the love